لكل فعل ياصاحبي ( ردة فعل )
ولجلك ’
حضنت : مالااحب ولا اطيق !
ولجلك’
نسيت الهم واشبااااه البشر
ولجلك’
ضحكت وانا مكسور وأسير
كنت المحك بين الوجوه
واحضنك ب آآآخر مدى
بعيد عن كل العيون اللي: تراقبنا ب أذى !!
ولما تغيييب
استعجلللللك
واقبّل اطراف الطريق
اللي يعاتب مشيتك / لارحت
او جيت ب خجل !!
واليوم !!
واليوم ش اللي حصل ؟؟
اليوم طحت
.. وضاع عكاز الصبر
مالقيتتتتته ,
ولا لقيت اللي يعدل وقفتي
لا انثنيت ثم انحنيت
ب حيرره واوجاع وقهر !!
اليوم ضقت
وضاقت بي هموميَ
.. وزاد الحمِل
واهملتني
واجبرتني احكي لك بما لا يليق
وقبل الحكِي
ارجوووك
ارجوووووك
تسمعني بحذر !
[ لا تنشغل بمقدار الغلا ’ ولوم السنين ]
ولا تنجرح من : كلمتي
وإنت جارحني ب فعل !!
ولا تنزعِج من الصراحه
واسلوبي العادي العتيق
وقبل اقول
وقبل لاياخذك الذهوول
ابيك تدري:
إن هذا الحكي
” ممزوج بخيبه وبكيَ
وآآآه وذبول “
ياللي على قلبه „
كنت اتكككي
اجبرتني منك اشتكي
واجبرتني لأجلك اقول :
” من رضى
.. بجرحي وتهميشي’
… والزعل
ماشوفه شيء
ولا اعده رفيق ..
صحيح مالك اي دخل بما حصل
بس الرضا يعطي : شراره للحريق !! “
ما ألومك
وكيف الومك
وانت ساكت
والسكوت اكبر دليل
انك مجبور وغريق
بسس تذكر
قبل يغريك السكوووت
اني بحر ابلا نهايَه
ظاهره هآدي وأنيييييق
وداخله عالم عميييييق
بس
تذكررر !
ثم اجرحني ب أموووت
:/
ياعيوني ..
طالما قلبه نسى الحبّ و عهوده
طالما خابت ظنوني ..!
قولي للنسيان والأحزان كونوا
و انتي كوني ..
أول اللي يبكي من فرقا حبيب
أكبر اللي طاح .. من طعنة نصيب..!
أصدق اللي يَحْلَم بحبّ و يغيب ..
إيه غيبي ..
وابكي لو هزّك نحيبي ..
طهّري ببْكاك قلبي من هواه ..
عوّدي جفني يغمّض ، و يْعَصَاه
شوقي المجنون لامرّ و سرقني
من غيابي ، من تراتيل النجاة
إبكي عيني ..
إروي بالدمع الكفوف اللي يْبِسَت
لوّحت للغايب اللي ماوفا
بالوفا
ياكثر ماهي لوّحت
والهوا ينْحَت بأصابيعي نحت
ولا رجع لي ولا وفا ..!
غاب عنّك ،
مدري أغراه الجفا
إبكي عيني .. كمّليني
فيك أشوف الحزن أجمل ،
وفيك تكمل ..
قصة العشق القديم اللي وفيتي له كثيييير
وماتمهّل ..
يجرحك ، يستنزف إحساسك .. يجور
وبالنهاااااااااية : عنْك يرحل .!
إبكي عيني ، أنقذيني
لملميني .. طهّريني
ألهميني ..
إبكي عيني
وإسسسسمعيني :
ياعيوني لاتطيلين العناق ………………
للدموع اللي تبي تنزل عليه
اطلقيها دام فيها الحزن .. لاق………………
افهمي من عاف وصلك واهجريه
بينك وبين الوفا نصّ اتفاق………………
تسترينه فيك ، ويردّ الوجيه ..
مير وصلك ، والمحبّة و الوفاق ………………
ارْخصوا عند الذي شوفك يبيه
انقضي عهدك و جوري دام ضاق ………………
خافق الغايب عن الحبّ ونسيه
ياعيوني دام حزنك إنعتاق ………………
من هواه أرجوووك جودي وابذليه
احزني والباس مشدود الوثاق ………………
ياعيوني قلبي طيّب ، ماعليه .!
أدري بك مبداك ف الحبّ اعتناق ………………
أدري بك تَهْوين بالعُرْف النزيه
إيييييه أدري شامخة ، بس استفاق ………………
فيني جرحي، إبكي عيني : ضمّديه
تشبه دموعك وقار اللي يُراق ………………
دمعه الغالي على مرأى بَنِيه .!
ويشبه إحساسي ليا لاح الفراق ………………
خوف طفلٍ شاف موتة والديه
وكنّه غيابه .. خيانات الرفاق ………………
وانتي عيني : أصدق اللي يحتريه .!
